Oriental Mindoro – Bumisita si DILG Secretary Benjamin Abalos sa Pola, Oriental Mindoro para alamin ang update tungkol sa Oil Spill sa Pola Municipal Hall, Brgy. Bayanan, Pola, Oriental Mindoro noong Lunes, Abril 10, 2023.
Tinalakay sa briefing ang mga development at updates kaugnay ng oil spill incident sa Munisipyo ng Pola.
Kabilang sa nakilahok sa nasabing aktibidad sina PBGen Joel Doria, Regional Director ng PRO MIMAROPA; Pola Mayor, Hon. Jennifer M. Cruz; Hon. Humerlito A. Dolor, Gobernador ng Oriental Mindoro; MMDA Chairperson, Hon. Romando S. Artes; BFP MIMAROPA; Provincial Director, ORMIN PPO; at iba pang ahensya ng gobyerno.
Bukod dito, pinangunahan ni PBGen Doria ang security team at sumama kay SILG Benjamin Abalos sa pamamahagi ng food packs at water purifiers sa mga apektadong residente ng Brgy. Batuhan, Pola, Oriental Mindoro.
Ang Munisipalidad ng Pola ay nagtamo ng pinakamaraming pinsala sa oil spill na dulot ng Motor Tanker Princess Impress na lumubog sa Naujan noong Pebrero 28, 2023.
Batay sa datos ng Oriental Mindoro PDRRMO, hanggang Abril 10, 2023, mayroon nang 4839 na pamilya, 24, 195 indibidwal, at 7 Marine Protected Areas na apektado ng oil spill.
“Pagtitiyak sa kaligtasan at seguridad ng komunidad, na may disiplinado at mas pinagkakatiwalaang serbisyo ng pulisya”, ani PBGen Doria.
Source: RPIO MIMAROPA
Panulat ni Patrolman Erwin Calaus
