Matagumpay na isinagawa ang search and rescue operation sa 32 passengers sa Barangay Siganggang, Pandami at Port of Siasi, Sulu nito lamang ika-14 ng Setyembre 2024.
Pinangunahan ni Police Major Majindi A Haling, Officer-In-Charge ng Siasi Municipal Police Station, ang naturang operasyon sa 32 passengers na naka-board sa AK-4 Motorized Banca na galing sa Bongao, Tawi-Tawi patungong Jolo, Sulu dulot ng masamang panahon.
Agad na tinungo ng mga tauhan ng Siasi MPS ang lugar katuwang ang Philippine Coast Guard at Municipal Disaster Team at matagumpay na na-rescue ang mga biktima na kinabibilangan ng apat na menor-de-edad at tatlong bata edad 2 hangang 4 na taong gulang.
Dinala naman sa Siasi District Hospital ang mga bata para sa kanilang agarang medikasyon.
Ang mga nailigtas na biktima ay kasalukuyang nasa Kasandra Hotel, Siasi, Sulu at nabibigyan ng libreng pagkain mula sa Siasi Municipal Government.
Patuloy ang Siasi PNP na tiyakin ang mabilis na pagtugon at kaligtasan ng mga biktima ng sakuna, alinsunod sa adhikain ng Bagong Pilipinas.
Panulat ni Patrolwoman Ma. Señora J Agbuya
