Surigao del Norte – Nagsagawa ng search and rescue operation ang mga tauhan ng 2nd Surigao del Norte Provincial Mobile Force Company sa Sitio Kogtong, Brgy. Poblacion, Bacuag, Surigao del Norte para sa mga apektadong residente dahil sa malakas na pag-ulan nito lamang Lunes, Disyembre 26, 2022.
Ang operasyon ay pinangunahan ni Patrolman Jan Raymart Manliguez sa ilalim ng pangangasiwa ni Police Lieutenant Colonel Reuel Belza, Force Commander katuwang ang mga tauhan ng Bureau of Fire Protection Bacuag.
Patuloy naman ang pagsusumikap ng Surigao del Norte PNP sa pagsasagawa ng search and rescue operation at paghahatid ng mga food supply sa mga naapektuhan ng patuloy na malakas na pag-ulan sa naturang probinsya.
Panulat ni Patrolman Jhunel Cadapan/ RPCADU13
