Batangas City – Nagsagawa ng Search and Rescue Operation at Survivor Assistance ang Batangas Maritime PNP sa nasusunog na barko habang nasa ruta mula sa Calapan Port, Calapan, Oriental Mindoro patungo sa Batangas Port, Batangas City nitong Agosto 26, 2022.
Kinilala ni Police Captain Benito S Siddayao Jr., Hepe, Batangas Maritime Police Station, ang nasusunog na barko na MV ASIA PHILIPPINES of Starlite Ferries Inc. na pag-aari at pinamamahalaan ng Chelsea Logistics Holdings Corp. (CLC) na may naaayon na 48 pasahero at 34 na tripulante na sakay kabilang ang Kapitan.
Ayon kay PCapt Siddayao Jr., isang malaking makapal na itim na usok malapit sa Batangas Port Anchorage Area, Batangas City ang napansin ng Duty Desk Officer ng Batangas MARPSTA dakong 6:10 PM na nag-udyok sa istasyon na makipag-ugnayan sa PCG Batangas at Port Police Security Officer.
Ayon pa kay PCapt Siddayao Jr., agad na rumesponde ang RMU4A sakay ng High Speed Tactical Water Craft 34 at nagsagawa ng SAR operation kasama ang PCG Batangas, PPA, Philippine Red Cross at Civilian Boat Association of Batangas.
Dagdag pa ni PCapt Siddayao Jr., 73 pasahero at tripulante mula sa nasusunog na barko ang nailigtas ng mga nasabing grupo.
Samantala, hindi pa matukoy ang sanhi ng sunog at ang aktwal na mga tao na sakay nito.
Nagsasagawa pa rin ng SAR Operations ang Batangas MARPSTA kasama ang iba pang ahensya para sa iba pang posibleng survivors ng nasusunog na barko.
Source: Batangas MARPSTA
###
Panulat ni Police Staff Sergeant Donabel Dulin
