NAIA Terminal 3, Pasay City — Arestado ang isang seaman sa isinagawang joint service of warrant ng PNP Aviation Security Group (AvSeG) at Manila Police District sa kasong paglabag sa RA 9262 nito lamang Biyernes, May 27, 2022.
Kinilala ni AvSeG Director, Police Brigadier General Andre Dizon ang akusado na si Wellie Labawan Tilla-in, 55, may asawa, Chief Engineer ng Maritime Industry Authority, at residente ng Bugasong, Antique.
Ayon kay PBGen Dizon, si Tilla-in ay galing sa Singapore at nahuli ng mga otoridad bandang 7:50 ng gabi sa Arrival Area, NAIA Terminal 3, Pasay City.
Ang suspek ay inaresto sa bisa ng Warrant of Arrest sa kasong paglabag sa RA 9262 o Anti-Violence against Women and their Children Act of 2004 na may rekomendadong piyansa na Php36,000 sa bawat Section nito partikular na ang Sec 5 (I) at Sec. 5 (E).
Tiniyak ni PBGen Dizon na patuloy nilang paiigtingin ang pagbabantay sa mga paliparan upang mahuli ang iba pang may kaso dito sa bansa, gayundin, upang mapanatiling payapa ang lugar at malayo sa mga insidente.
This story was first published at the PNP AvSeG Facebook page.
###
Panulat ni PCpl Jhoanna Marie Najera-Delos Santos
