Cagayan de Oro City – Isinagawa ng Police Regional Office 10 ang SCUBAsurero sa isla ng Camiguin nito lamang Biyernes, Hunyo 3, 2022.
Ang aktibidad na ito ay pinangunahan ng Regional Director ng Police Regional Office 10 na si Police Brigadier General Benjamin Acorda Jr.
Kaisa din sa nasabing aktibidad ang iba pang matataas na opisyal ng PRO 10, mga tauhan ng Lanao del Norte Police Provincial Office scuba divers sa pamumuno ni Police Colonel Isaias Bacurnay Jr. at sa kooperasyon ng Camiguin Police Provincial Office sa pamumuno ni Police Colonel Elias Hampac.
Ang aktibidad ay naglalayong makapagbigay ng inspirasyon sa ating mga kababayan upang maging disiplinado sa pagtatapon ng mga basura, mahalin ang mga likas na yaman at mapanatili ang kagandahan at kalinisan sa isla ng Camiguin.
Tunay nga naman na walang pinipiling panahon sa pagtulong ang ating Pambansang Pulisya sa Hilagang Mindanao at naway ito ay kapulutan natin ng mga aral na pangalagaan at mahalin ang ating inang kalikasan.
###
Panulat ni Patrolwoman Nicole Villanueva/RPCADU 10
