Negros Oriental – Nagsagawa ng Scubasurero at Coastal Clean-up Drive ang mga tauhan ng Negros Oriental Police Provincial Office sa Barangay Okiot, Bais City, Negros Oriental nito lamang ika-3 ng Hunyo 2023.
Ang aktibidad ay pinangunahan ni Police Colonel Alex Recinto, Acting Provincial Director ng Negros Oriental PPO, katuwang sina Police Lieutenant Stephen Jaynard Polinar, Deputy PCADU/PIO, Police Lieutenant Colonel Rolan Aliser, Chief of Police ng Bais City PS at mga miyembro ng Tourist Police Unit.
Katuwang din sa nasabing aktibidad ang Armed Forces and Police Savings and Loan Association, Inc. (AFPSLAI) sa pangunguna ni Rhea G Lasina, Assistance Dumaguete Branch, Hon. Lucrecio D Cabual, Barangay Officials at ilang residente ng nasabing lugar.
Nagsimula ang aktibidad sa pagpulot ng mga plastic at mga basurang nakaipit at nakakapit sa mga bakawan at seabed.
Kasunod nito namahagi rin ang mga naturang grupo ng food packs bilang sukli sa mga mamamayang naging bahagi ng aktibidad.
Layunin ng nasabing aktibidad na patuloy na protektahan ang kalikasan at mapanatili ang yaman at kalinisan ng karagatan alinsunod sa isa sa mga Best Practices ng PNP at sa Core Values nitong “Makakalikasan.”
