Muling umarangkada ang proyektong school in a boat project na isinagawa sa dalampasigan ng Barangay Balanacan, Mogpog, Marinduque nito lamang ika-8 ng Marso 2025.
Ang aktibidad ay pinangunahan ng mga tauhan ng Marinduque MARPSTA at tinalakay ni Pat Philip M Galicia ang mga paksang makakatulong sa mga kabataan.
Ito ay inobasyon at inisyatiba na isinagawa nang may aktibong pakikilahok ng mga magulang at tagapag-alaga ng mga batang wala sa paaralan na naglalayong magbigay ng di-pormal na edukasyon sa mga batang mag-aaral sa malayong komunidad.
Sa pamamagitan ng direktang pagdadala ng edukasyon sa mga bata at sa pamamagitan ng natatanging platform na ito, ang proyekto ay naglalayong itaguyod ang mga pagkakataon sa pag-aaral na naa-access at naaayon sa mga pangangailangan ng lokal na populasyon upang makapag-ambag sa pangkalahatang pag-unlad sa hinaharap.
Source: Marinduque Maritime Police Station
Panulat ni Patrolwoman Ana Rose D Guadaña
