Negros Occidental – Patuloy na nadadagdagan ang mga iskolar ng 605th Maneuver Company sa ilalim ng Sibol ng Pag-asa program sa probinsya ng Negros Occidental nitong ika-3 ng Oktubre, 2022.
Sa ngayon ay umabot na sa anim na mag-aaral ang matagumpay na nabiyayaan upang magiging iskolar ng mga tauhan ng 605th Maneuver Company sa bisa ng Memorandum of Agreement sa pagitan ng kanilang mga magulang at ng 605th Maneuver Company sa pangunguna ni Police Lieutenant Roy C Compe, Platoon Leader.
Kasama sa natanggap ng mga iskolar ang mga school uniform at iba’t ibang school supplies na makakatulong sa kanilang pang araw-araw na pangangailangan sa eskwelahan at bukod pa rito, makakatanggap din sila ng tulong pinansyal.
Ang naturang programa ay inisyatibo ng nasabing yunit para makatulong sa mga mahihirap ngunit pursigido at karapat-dapat na mag-aaral.
Ang PNP ay patuloy sa pagbibigay ng tulong at tapat na serbisyo para makatulong sa ating kababayan at mapagtibay ang ugnayan sa komunidad upang mapanatili ang kaayusan, kapayapaan tungo sa kaunlaran.
