Nakiisa ang mga tauhan ng Sarangani PNP sa isinagawang bloodletting activity noong Marso 18, 2025 sa STI Academic Center, General Santos City.
Sa ilalim ng pamumuno ni Police Colonel Deanry R Francisco, Provincial Director ng Sarangani Police Provincial Office, ay aktibong lumahok ang mga tauhan ng Sarangani Police Provincial Office na inorganisa ng Department of Budget and Management (DBM).
Ang nasabing aktibidad ay may temang “Dugtong Buhay Movement” at isinagawa sa pakikipagtulungan ng Philippine Red Cross, STI College, at Philippine Coast Guard.
Ang bloodletting activity ay may layuning palaganapin ang kamalayan ukol sa mga benepisyong pangkalusugan ng pagdo-donate ng dugo at upang magbigay ng tulong sa mga nangangailangan ng dugo para sa kanilang blood transfusion.
Bukod dito, ito rin ay isang pagkakataon upang maipakita ang malasakit at pakikiisa sa mga pasyenteng nangangailangan ng agarang tulong medikal.
Ipinakita ng mga kasapi ng Sarangani PNP ang kanilang diwa ng bayanihan at pagsisilbi hindi lamang sa larangan ng pagpapanatili ng kapayapaan at kaayusan kundi pati na rin sa aspetong pangkalusugan at humanitarian efforts.
Ang “Dugtong Buhay Movement” ay hindi lamang isang simpleng blood donation drive kundi isang simbolo ng pagkakaisa, malasakit, at dedikasyon ng bawat isa sa pagsagip ng buhay. Sa pamamagitan ng ganitong mga inisyatiba, naipapakita ng mga tauhan ng Sarangani PNP at iba pang katuwang na organisasyon ang kanilang walang sawang pagsuporta sa kapwa at sa mas malawak na layunin ng humanitarian service.
Panulat ni Pat Ara Casandra Lim Concon
