Muling nagsagawa ng Project I.L.A.W. (Inihahandog naming ang Liwanag sa inyong tahanan na magbibigay pag-Asa sa pamilyang higit na nangangailangan galing sa Lady Warriors CMFC-Santiago City) ang Santiago PNP sa pamumuno ni PLtCol Myla Paguyo sa Brgy. Cabulay, Santiago City nitong ika-21 ng Nobyembre 2022.
Nahandugan ng solar light ang dalawang kapus-palad na pamilya na nakatira sa liblib na lugar ng naturang barangay.
Lubos na nagpasalamat ang dalawang benepisyaryo sapagkat lampara at kandila lamang ang kanilang ginagamit sa gabi na nagsisilbing liwanag sa kanilang tahanan.
Ang Lady Warriors ng Santiago PNP ay patuloy na magsasagawa ng proyektong ito upang matulungan ang mga pamilyang nangangailangan ng sapat na liwanag lalo na sa mga may anak na nag-aaral para sa paggawa ng kanilang aralin.
Layunin ng proyektong ito na maiparamdam ang tunay na malasakit sa mamamayan at maisagawa ng tapat ang paglilingkod sa bayan. Dagdag pa nito na maisulong ang kaayusan at kapayapaan tungo sa kaunlaran.
Source: Santiago, CMFC
Panulat ni PSSg Jerlyn V Animos
