Magkatuwang na nagsagawa ng PROJECT Ka.Ba.Ta (KAsangga ang mga kabataan sa BAwat panahon, Taglay ang kagalingan at Angking katalinuhan ang siyang ikakaunlad ng bayan) ang Santiago PNP at Philippine Army na ginanap sa Divisoria Elementary School, Brgy. Divisoria, Santiago City noong Oktubre 28, 2022.
Ito ay pinangunahan ng miyembro ng mga tauhan ng City Mobile Force Company (CMFC) ng Santiago City sa pangunguna ni PLt Junatess Acacio, Platoon Leader at 86 Infantry Battalion ng Philippine Army sa pangunguna ni Technical Sergeant Jacob Apostol.
Tinalakay ang paksa hinggil sa Youth Recruitment ng CPP-NPA-NDF at Drug Prevention and Awareness kung saan madalas na biktima ay mga kabataan. Ipinaliwanag sa mga mag-aaral ang masamang dulot ng mga ipinagbabawal na gamot na siyang sumisira sa buhay ng tao.
Layunin ng proyektong ito na maipahayag sa mga kabataan ang masamang dulot nang pag-anib sa mga grupong lumalaban sa ating gobyerno at ang kasalukuyang sitwasyon ng ilegal na droga sa ating bansa. Hinikayat din sila na makiisa sa pagsugpo sa ilegal na droga para sa kapayapaan ng komunidad.
Source: CMFC, SCPO
Panulat ni PSSg Jerlyn V Animos
