Benepisyaryo ng libreng sakay ng PNP Maritime Group ang isang apat na araw na sanggol at ang ina nito na stranded at papunta sana sa Malanday, Valenzuela bandang 12:45 ng tanghali nito lamang Huwebes, Hulyo 25, 2024.
Kinilala ni Police Brigadier General Jonathan A Cabal, Director ng PNP Maritime Group, ang ina ng sanggol na si Jovilyn Carmen.
Pahayag ni Jovilyn na stranded sila ng kanyang sanggol at iba pang 25 na indibidwal dahil sa tubig-baha at napag-alaman na kapapanganak lamang at galing ang mag-ina sa hospital.
Pasasalamat ang tugon ng mga indibidwal dahil malaking tulong ang libreng sakay ng PNP para mas gumaan ang biyahe at makarating ng ligtas ang publiko sa kani-kanilang bahay o trabaho.
Patunay na ang PNP ay walang sawa sa paghatid ng serbisyo publiko, habang sinisiguro ang kapakanan ng lahat sa gitna ng unos na dala ng bagyong Carina.
Source: PNP Maritime Group
Panulat ni PSSg Grace Neville L Ortiz
