Negros Occidental – Nakiisa ang mga tauhan ng San Enrique PNP sa probinsya ng Negros Occidental sa Blood Letting Activity na isinagawa ng Brigada News FM Bacolod nito lamang Sabado ng umaga, Abril 30, 2022.
Ang Blood Letting Activity ay tinawag na “Dugo para sa KaBrigada”, ito ay pinangunahan ng Brigada News FM Bacolod sa pakikipagtulungan sa Philippine Red Cross Negros Occidental-Bacolod City Chapter na ginanap sa Grand Gaisano Mall, Barangay Singcang, Bacolod City.
Kabilang sa mga nag-donate ng dugo ay ang mga tauhan ng San Enrique Municipal Police Station sa pangunguna ni PLt Sammy Gasataya, Deputy Chief of Police, kasama ang mga miyembro ng Barangay Peace Keeping Action Teams (BPATs) ng Brgy. Poblacion.
Ang nasabing aktibidad ay naglalayon na makatulong na matiyak na ang mga stock ng dugo ay nananatiling sapat sa naturang probinsya.
Isang patunay na ang PNP ay handang tumulong at maglingkod ang ating mga kababayan sa pamamagitan ng pag-aalay ng kanilang dugo upang mabigyan ng pag-asa at dugtungan ang buhay ng mga nangangailangan.
###
