Makati City — Samu’t saring baril ang nadiskubre at kinumpiska ng mga awtoridad sa pagpapatupad ng Search Warrant nito lamang Lunes, Marso 20, 2023.
Kinilala ni PBGen Kirby John Kraft, District Director ng Southern Police District, ang suspek na si alyas “Lu Ming Chung” na isang Taiwanese National.
Ayon kay PBGen Kraft, bandang 7:00 ng gabi ay naaresto ang suspek sa Edades Tower, Rockwell Center, Brgy. Poblacion, Makati City ng pinagsanib na operasyon ng CIDG-Anti Organized Crime Unit (lead unit), PDEA NCR, Makati City Police Station Intelligence Section, Poblacion Police Substation at SWAT-TMR Makati.
Narekober ng mga operating unit ang 13 piraso ng 5.56 rifle, 12 na piraso ng revolver, 53 – pistol, 6 na folding submachine gun, at isang FN P90 5.785, na may kabuuang 85 na baril.
Ang naturang suspek ay nahaharap para sa kasong paglabag sa RA 10591 o “Comprehensive Firearms and Ammunition Regulation Act”.
Tiniyak ng Pambansang Pulisya kasama ang iba pang ahensya ng gobyerno na patuloy na paiigtingin ang mga kampanya laban sa anumang uri ng kriminalidad sa bansa at pananagutin sa batas ang mga nagkasala.
Source: SPD PIO
Panulat ni PSSg Remelin M Gargantos
