Bulacan — Arestado ang isang salesman na wanted sa kasong carnapping sa isinagawang manhunt operation ng Highway Patrol Group nitong Huwebes, Hunyo 16, 2022.
Kinilala ni HPG Director, Police Brigadier General Rommel Francisco Marbil, ang akusado na si Kim Francis Reyes y Dela Paz, 25, single, salesman, at kasalukuyang residente ng Purok 1, Barangay Banga 1st, Plaridel, Bulacan.
Ayon kay PBGen Marbil, nahuli si Reyes dakong alas-8:25 ng gabi sa nasabing barangay sa bisa ng Warrant of Arrest na inisyu ni Hon. Hermenegildo Dumlao III, Presiding Judge ng RTC Branch 81 noong June 14, 2022 kung saan Php300,000 ang rekomendadong piyansa.
Nagresulta ang operasyon dahil sa impormasyong natanggap ng pulisya galing sa BIN informant ukol sa kinaroroonan ng suspek.
Sinisigurado naman ni PBGen Marbil na haharapin ng suspek sa korte ang nagawa niyang kasalanan at ang PNP ay mananatiling neutral sa lahat ng mahuhuli.
Source: PNP-HPG
###
Panulat ni PCpl Jhoanna Marie Najera-Delos Santos
