Salcedo, Ilocos Sur – Nagsagawa ng BPATs Enhancement Training at Seminar ang Salcedo PNP sa Brgy. Madarang, Salcedo, Ilocos Sur nito lamang Sabado, ika-10 ng Disyembre 2022.
Ayon kay Police Lieutenant Jumar V. Castro, Officer-in-Charge ng Salcedo PNP, ang naturang Enhancement Training and Seminar ay naglalayon na sanayin pa lalo ang mga miyembro ng Barangay Peacekeeping Action Teams upang maging mas epektibo sila sa kanilang mga tungkulin.
Dagdag pa ni Police Lieutenant Castro, ang enhancement training at seminar na kanilang isinagawa para sa BPATs ay naka-focus sa Anti-Violence against Women and Their Children o kilala bilang RA 9262 at pati na rin ang kahalagahan ng Violence Against Women’s Desk sa mga barangay.
Samantala, hindi naman tumitigil ang Salcedo PNP sa pagsasanay at pagtulong sa BPATs at iba pang samahan tulad nito upang mas magampanan nila ang kanilang tungkulin na panatilihin ang kapayapaan kasama ang Pambansang Pulisya ng Pilipinas.
Source: Salcedo Municipal Police Station
Panulat ni Pat. Viljon Anthony Comilang
