Nakiisa ang mga tauhan ng Sabtang Police Station sa isinagawang tree planting activity sa Sabtang, Batanes noong ika-11 ng Setyembre 2024.
Ang aktibidad ay pinangunahan ni PSSg Danilo C Alasco, Finance/Investigation PNCO kasama ang Bureau of Fire Protection, Local Government Unit at Municipal Advisory Group.
Ito ay kaugnay sa pagdiriwang ng World Bamboo Day at Philippine Bamboo Month Celebration kung saan naging tema sa aktibidad ang “Buhay-Kawayan Haligi ng Industriya’t Kalikasan, Pag-asa sa Kinabukasan”.
Nakapagtanim ang grupo ng aabot sa 150 pirasong punla ng kawayan sa nabanggit na lugar.
Isa ito sa bahagi ng Core Values ng Pambansang Pulisya ng Pillipinas na “Makakalikasan” na naglalayong pangalagaan ang kalikasan sa pamamagitan ng pagtatanim kasama ang iba’t ibang ahensya ng pamahalaan.
Source: Sabtang Police Station
Panulat ni PCpl Kelvin Paul Juan
