Nagdaos ng isang makabuluhang outreach program ang mga tauhan ng Sabangan Municipal Police Station sa tulong ng Sabangan PNP Pensioners/Survivors Association para sa mga batang nasa Daycare ng Barangay Camatagan at Pingad sa Sabangan, Mountain Province nito lamang Nobyembre 4, 2024.
Naging matagumpay ang aktibidad sa pagtutulungan ng Sabangan Municipal Police Station katuwang ang Sabangan PNP Pensioners at Survivors Association na dinaluhan ng mga bata, guro, magulang, at mga opisyal ng mga nasabing barangay.
Tampok sa aktibidad ang feeding program at pamamahagi ng mga regalo tulad ng gamit pang-eskwela at tsinelas na masayang tinanggap ng mga bata.
Layunin ng aktibidad na mapalakas ang ugnayan ng PNP sa komunidad at ipakita ang malasakit sa kabataan.
Nagpahayag naman ng taos-pusong pasasalamat ang mga opisyal ng barangay, guro, at mga magulang sa Sabangan PNP at mga retiradong miyembro nito sa kanilang walang sawang suporta para sa komunidad.
Panulat ni Patrolwoman Jeslie F Sabado
