Tapaz, Capiz – Nagsagawa ang mga tauhan ng 602nd Company ng Regional Mobile Force Battalion ng Run for a Cause na tinaguriang “Takbo Para kay Toto” nitong ika-24 ng Hulyo 2022 sa Tapaz, Capiz.
Ito ay alinsunod sa ika-27 na selebrasyon ng Police Community Relations Month 2022 na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan.”
Ang nasabing aktibidad ay pinangunahan ni Police Lieutenant John Paul C Hernandez, Police Community Affairs Section Officer, sa pangangasiwa ni Police Major German R Magbanua III, Company Commander, katuwang ang 31st DRC 3rd Infantry Division, Philippine Army, Tapaz Municipal Police Station, BFP Tapaz, at ng mga representative mula sa Joaquin Artuz Elementary School.
Kabilang din sa mga nakilahok ang iba’t ibang Force Multipliers mula sa Grand Megans Tapaz Chapter, Probikers Association, Ace Bikers Association, at ng mga Advisory Council at Kabataan Kontra Droga at Terorismo Tapaz Chapter.
Ayon kay PMaj Magbanua, ang proceeds ng naturang Run for a Cause ay mapupunta sa isang batang may hydrocephalus na siyang kanilang napili upang maging benepisyaryo.
Samantala, buong puso namang nagpasalamat si PMaj Magbanua sa mahigit 200 runners na nakiisa at sumuporta sa nasabing aktibidad at siniguro ang lahat na tiyak na matutulungan nito ang napiling benipisyaryo na kasalukuyan pang nasa ospital para sa karagdagang medikasyon.
###
