Legazpi City – Nakiisa ang Regional Police Community Affairs and Development Unit 5 sa isinagawang KASIMBAYANAN Pamaskong Handog ng Regional Finance Service Office 5 sa mga Special Education Learners sa Rawis Elementary School, Barangay Rawis, Legazpi City nitong Martes Disyembre 6, 2022.
Ang naturang aktibidad ay pinangunahan ni Police Lieutenant Colonel Kevin Bulayungan, Officer-In-Charge ng RFSO5 katuwang ang RPCADU 5, Regional Medical and Dental Unit 5, Regional Chaplain Office 5, mga guro at mga magulang.
Nasa 60 na SPED learners ang lumahok sa nasabing aktibidad sa isinagawang dental fluoride treatment, feeding program at gift giving para sa mga mag-aaral ng nasabing paaralan.
Ang mga benepisyaryo ay nagpakita naman ng kanilang mga talento sa pamamagitan ng pagsayaw at pagkanta.
Labis naman ang ngiti sa mukha ng mga mag-aaral sa natanggap nilang regalo sa ating kapulisan.
Layunin ng aktibidad na ito na ipadama ang malasakit at pagmamahal sa mga batang ito upang mas maramdaman nila ang tunay na diwa ng pasko.
