Camarines Sur – Nagsagawa ng symposium ang mga tauhan ng Regional Police Community Affairs and Development Unit 5 sa mga estudyante ng King Thomas Learning Academy Incorporated, Barangay Malubago, Sipocot, Camarines Sur nito lamang Biyernes, Pebrero 10, 2023.
Ang naturang aktibidad ay pinangunahan ni PMaj Henry Taduran, Asst. Chief, RPCADU5 katuwang ang mga personahe ng Camarines Sur 1st PMFC, Pastor David Ricafort ng Special Organize Communication Inc. at Sipocot Municipal Police Station.
Sinimulan ang nasabing aktibidad sa pagbibigay mensahe ni Pastor Ricafort patungkol sa salita ng Diyos. Kaugnay nito, nagkaroon ng talakayan ang nasabing grupo sa mga Senior High at College Students patungkol sa RA 11313 o Bawal Bastos Law, Community Anti-Terrorism Awareness at Drug Awareness Education Program.
Nagpaabot naman ng pasasalamat ang pamunuan ng nasabing paaralan sa pagbabahagi ng kaalaman ng ating kapulisan para sa ikabubuti ng kanilang mga estudyante.
Samantala, nagbigay din ng kanilang mensahe ang ilang estudyante patungkol sa kanilang natutunan sa naturang aktibidad.
Ang Pambansang Pulisya ay patuloy sa pagbabahagi ng kaalaman sa mga kabataan upang hindi malihis sa landas at magkaroon ng magandang kinabukasan.
