Manila — Ganadong nakiisa ang mga tauhan ng Regional Police Community Affairs and Development Unit ng NCR (RPCADU NCR) sa isinagawang Brigada Eskwela sa Gen Malvar Elementary School sa Sta. Mesa, Manila nito lamang Huwebes, Agosto 17, 2023.
Ang aktibidad ay pinangunahan ni Police Colonel Nieves A Dela Pena, Chief ng nasabing yunit kung saan kasama ang mga magulang, estudyante at mga guro ng nasabing paaralan.
Sama-samang naglinis ang grupo sa mga silid-aralan upang magamit ng mga mag-aaral ngayong nalalapit na pasukan. Kasabay din nito ang pamamahagi ng pagkain sa lahat ng lumahok sa nasabing brigada.
Nagkaroon din ng zumba sa nasabing aktibidad kung saan nakihataw ang mga dumalo sa dance fitness activity na pinangunahan ng PNP Fitness Team.
Layunin nitong ipakita ang pagkakaisa ng mga magulang, guro at kapulisan para sa isang maayos at magandang simula para sa kapakanan ng bawat estudyanteng papasok sa naturang paaralan.
Panulat ni PSSg Remelin M Gargantos
