Nagsagawa ng Community Outreach Program ang mga tauhan ng Regional Community Affairs and Development Unit ng NCR (RCADU NCR) at Civil Military Operation (CMO) students sa Barangay 98, Tondo, Maynila nito lamang Linggo, ika-21 ng Hulyo 2024.
Ang aktibidad ay naisagawa sa pangunguna ni Police Major Marlon Banania, Deputy RPCADU-NCR sa ilalim ng pamumuno ni Police Lieutenant Colonel Randy Alagao, Acting Chief ng nasabing yunit kasama ang Raxabago Police Station 1, DMFB ng MPD, SK Members at Barangay Officials ng Barangay 98.
Sama-samang humataw ang mga Zumba Gems, Civilian Support Group at residente ng nasabing barangay na bigay todo sa pagsasayaw at labis ang kaligayahan sa ibinigay na serbisyo ng ating kapulisan.
Tampok din dito ang pamamahagi ng sash sa mga napiling mga kalahok na lubos ang ipinakitang talento at binigyan ng mga food packs ang bawat isa.
Nagkaroon din ng Drug Awareness Symposium at livelihood program kung saan tinuruan ang mga lumahok ng paggawa ng Dishwashing Liquid upang makatulong sa pag-uumpisa sa pagnenegosyo.
Naglalayon ang aktibidad na makapag-ehersiyo ang ating mga ilaw ng tahanan sa ibinigay na libreng serbisyo ng pulisya para sa isang malusog at malakas na pangangatawan at isang paraan upang mas lumakas pa ang ugnayan ng PNP at komunidad tungo sa isang progresibong pamayanan.
Panulat ni PSSg Remelin M Gargantos
