Bilang bahagi ng Ligtas Undas 2024, namahagi ng mga Information, Education and Communication (IEC) materials ang mga tauhan ng RPCADU MIMAROPA sa St. Francis of Assisi Quasi-Parish Catholic Cemetery (Lazareto Public Cemetery) ngayong Oktubre 31, 2024.
Naglalaman ang mga materyales ng mahahalagang paalala para sa kaligtasan at mga emergency hotline.
Bukod sa pamamahagi, nagpatrolya rin ang kapulisan upang matiyak ang kaayusan at kaligtasan ng mga dumadalaw sa sementeryo.
Nagpaalala ang kapulisan sa publiko na sundin ang mga alituntunin, tulad ng pag-iwas sa pagdadala ng ipinagbabawal na gamit at pagbabantay sa mga bata.
Patuloy na magbibigay ng serbisyo ang kapulisan upang maging ligtas at payapa ang paggunita ng Undas sa buong MIMAROPA.
