Baguio City – Nakilahok ang mga tauhan ng Regional Police Community Affairs and Development Unit Cordillera sa isinagawang Fun Run for a Cause ng Baguio City Police Station 6 at KKDAT Aurora Hill Chapter, umaga ng ika-9 ng Hulyo 2022.
Ang aktibidad ay pinangunahan ni PMaj Maila B Alog, Station Commander, BCPO Station 6 katuwang ang KKDAT President Aurora Hill Chapter Jai Dumling, mga tauhan ng RHQ Cordillera, RPCADU Cordillera at mga residenteng nakilahok.
Sila ay sama samang tumakbo mula sa Bayan Park covered Court hanggang sa kahabaan ng Evangelista Street, Lopez Jaina Street at Malvar Street na may habang 3 at 5 na kilometro.
Ang aktibidad ay may temang “Ta-Run na!” Takbong Alay Aral na may temang “Sumusuporta sa Balik Eskwela, Tumakbo Laban sa Terorismo at Ilegal na Droga”.
Ang nakalap na pondo sa aktibidad ay gagamitin para masuportahan ang mga indigent elementary students ng Doña Aurora Elementary School.
Ito rin ay alinsunod sa pagdiriwang ng 27th PCR Month at 35th Cordillera Month Celebration.
Patuloy ang PNP sa pagsasagawa ng mga programa upang makaisa ang komunidad sa mga proyekto ng pamahalaan kontra ilegal na droga, insurhensya at kriminalidad.
Source: PCADG Cordillera
###
Panulat ni Patrolman Josua Reyes
