Maguindanao Del Norte- Namahagi ng Information Materials patungkol sa Ligtas na Summer Vacation ang mga kapulisan ng Regional Police Community Affairs and Development Unit BAR sa Parang, Maguindanao del Norte nito lamang ika-4 ng Abril 2023.
Marami sa ating mga kababayan ngayon ang luluwas sa kani-kanilang mga probinsya habang ang iba naman ay magbabakasyon sa iba’t ibang lugar dahil sa papalapit na summer vacation, kaya naman ang pamamahagi ng information materials na ito ay napakalaking tulong sa ating mga kababayan.
Kabilang sa nilalaman nito ay ang mga paalala at gabay sa iyong paglalakbay, pag-alis ng bahay, at pagmamaneho upang makaiwas sa anumang sakuna at mas maging ligtas sa ating pag-alis.
Ang Pambansang Pulisya ay hindi magsasawang magbigay ng mga paalala at gabay nang sa gayon ay mas maging ligtas ang ating komunidad.
Panulat ni Patrolman Charlie Nasroden Corpuz
