Legaspi City, Albay – Nakiisa ang Regional Police Community Affairs and Development Unit 5 (RPCADU5) sa isinagawang Nationwide Simultaneous Bamboo and Tree Planting Activity sa Barangay San Francisco, Legaspi City, Albay noong Setyembre 13, 2022.
Pinangunahan ng mga kagawaran ng Department of Interior and Local Government (DILG), Department of Environment and Natural Resources (DENR) at Department of Agriculture (DA) ang nasabing aktibidad na may temang “Buhayin ang Pangangalaga sa Kalikasan.”
Ito ay aktibong nilahukan ni Police Lieutenant Colonel Brenda O. Garcia, Officer-In-Charge ng RPCADU 5 kasama ang iba’t ibang ahensya ng gobyerno tulad ng Bureau of Fire Protection (BFP), Bureau of Jail Management and Penology (BJMP), Philippine Navy (PN), Local Government Unit ng Legaspi City, Provincial Government ng Albay, Barangay Officials ng nabanggit na lugar, mga kapulisan ng Police Regional Office 5 at mga pribadong sector.
Dumalo din sa nasabing aktibidad sina Hon. Noel Rosal, Gobernador ng Albay at ang kanyang asawa na si Hon. Geraldine Rosal, City Mayor ng Legaspi City, Albay.
Layunin ng aktibidad na ito na maprotektahan ang kalikasan sa gitna ng mga nararanasang hamon dulot ng climate change.
Ang PNP ay patuloy na makikiisa sa mga programa na may kaugnayan sa pangangalaga sa kalikasan upang ipabatid na ang kapulisan ay laging katuwang ng komunidad at ng iba pang ahensya ng gobyerno sa pagtataguyod ng maayos, malinis at magandang kapaligiran.
