Laguna – Nakiisa sa Tree Planting Activity ang mga tauhan ng Regional Police Community Affairs and Development Unit 4A na ginanap sa Amaia Scapes, Brgy. Sala, Cabuyao, Laguna nito lamang Oktubre 14, 2023.
Ang grupo ay pinamunuan ni Police Colonel Meldrid Patam, Chief, RPCADU 4A at ang aktibidad ay pinangunahan ng Ayala Property Management Corporation katuwang ang Provincial Environment and Natural Resources Office – Laguna, Community Environment Natural Resources Sta Cruz Laguna, Amaia Scapes Cabuyao Property Management at Security Personnel.
Tinatayang 200 banaba, alibangbang at narra seedlings ang naitanim ng naturang mga grupo.
Layunin nitong mabigyan ng lilim, sariwang hangin, makulay berde na paligid at magsisilbing panangga sa baha at global warming.
Panulat ni Police Staff Sergeant Donabel T Dulin
