Laguna – Nakiisa ang mga tauhan ng Regional Police Community Affairs and Development Unit (RPCADU) 4A sa isinagawang Fun Run sa Camp General Macario Sakay, Los Banos, Laguna nito lamang Sabado, Agosto 12, 2023.
Ang aktibidad ay inorganisa ng Regional Mobile Force Batallion 4A Kalinga ASI (Alisto sa Serbisyong Iniingatan) na may temang ‘’Takbo para sa Kinabukasan’’.
Ang grupo ay pinangunahan ni Police Staff Sergeant Donabel T Dulin sa pamumuno ni Police Colonel Meldrid Patam, Chief, RPCADU 4A.
Samantala, tinatayang 600 na kapulisan mula sa iba’t ibang istasyon ng Laguna, Rizal at Batangas at mga sibilyan ang nakilahok sa nasabing aktibidad.
Layunin nitong itaguyod ang pisikal, fit na pangangatawan ng mga kapulisan at mga mamamayan at patatagin ang ugnayan ng PNP at komunidad.
Panulat ni Patrolman Joshua Cruz
