Cavite – Nakiisa ang mga tauhan ng Regional Police Community Affairs and Development Unit 4A sa isinagawang Bags of Blessing Project ng Metrobank Foundation at GT Foundations sa Parish of Saint Gabriel the Arkangel, Brgy. San Francisco, General Trias City, Cavite nito lamang Sabado, Enero 21, 2023.
Ang aktibidad ay pinangunahan nina Mr. Anicieto Sobrepeña, Executive Director/President ng Metrobank Foundation at Mr. Alfred Tee, Chairman ng George Tee Foundation katuwang si Father Engelbert Bagnas, Parish Priest at personnel ng RPCADU 4A sa pangunguna ni Police Executive Master Sergeant Joe Peter Cabugon, Chief Clerk, sa ilalim ng superbisyon ni Police Lieutenant Colonel Owen Banaag, Officer-In-Charge.
Pinangasiwaan naman ng Gen Trias City Police Station sa pangunguna ni Police Chief Master Sergeant Rosana Jagmis, Chief, Community Affairs Section sa superbisyon ni Police Lieutenant Colonel Jose Naparato Jr, Acting Chief of Police ang seguridad ng aktibidad.
Nagtulungan ang grupo sa pamamahagi ng 5-kilos na bigas at grocery items sa 245 na benepisyaryo ng naturang barangay.
Samantala, hindi matatawaran ang ngiti at saya na nadama ng mga benepisyaryo na natanggap ng biyaya mula sa naturang grupo.
Ang Bag of Blessings Project ay mahigit isang dekada ng isinasagawa ng Metrobank Foundations at GT Foundations na ang layunin ay mamamahagi ng tulong at suporta sa mga kapus-palad at mahihirap na mamamayan ng komunidad.
Panulat ni PEMS Joe Peter Cabugon/RPCADU4A
