Laguna – Nakiisa ang Regional Police Community Affairs and Development Unit 4A sa 28th Lingap-Kaakibat Medical/Dental Mission at Outreach Program ng DZJV 1458 Radyo Calabarzon na ginanap sa SM Calamba City, Laguna nito lamang Biyernes, Setyembre 29, 2023.
Ang grupo ay pinangunahan ni Police Colonel Meldrid Patam, Chief, RPCADU 4A katuwang ang Regional Medical and Dental Unit 4A, Regional Mobile Force Battalion 4A-CURAO, Regional Anti-Cybercrime Unit 4A, Philippine Red Cross Laguna Chapter, Philippine Medical Association at HR Department ng mall, mga sponsors tulad ng Rotary Club of Camp Crame, Gardenia Bakeries Philippine Inc., Coca-cola Bevarage Philippine Inc. at iba pang stakeholders.
Tinatayang 400 benepisyaryo ang nakatanggap ng food packs na naglalaman ng bigas, cup noodles, tetra juice, distilled water, tinapay at arroz caldo, libreng medical check-up, libreng tooth extraction, libreng masahe, libreng gupit, libreng medisina at vitamins at E-Sumbong Complaint Desk.
Bukod dito, nagkaroon din ng radio/TV interview sa mga pangunahing pandangal na isinagawa ng Zoe Broadcasting Network DZJB Radyo CALABARZON at pamamahagi ng mga IEC materials (PNP Journal and PSB) sa mga dumalo at mga manggagawa.
Layunin nitong matulungan ang mamamayan sa kanilang pangunahing pangangailangan sa kalusugan at ipadama ang malasakit at kalinga ng PNP katuwang ang mga stakeholders.
Panulat ni Police Staff Sergeant Donabel T Dulin
