Cavite – Nagsagawa ng Community Outreach Program at Information Awareness Drive ang Regional Police Community Affairs and Development Unit (RPCADU) 4A sa ginanap na Parent Orientation kaugnay sa nalalapit na Balik-Eskwela 2023 sa Tartaria Elementary School at Tartaria West Elementary School, Brgy. Tartaria, Silang, Cavite nito lamang Huwebes, Agosto 24, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang ang Philippine National Police Academy, National Police College (PSOBC), DepEd at LGU representatives, mga guro, staffs, magulang at estudyante ng nasabing paaralan.
Tinatayang 500 na mga magulang mula sa Tartaria Elementary School at 1000 na magulang naman sa Tartaria West Elementary School ang nakatanggap ng bag na naglalaman ng papel, kwaderno, lapis at krayola.
Tinalakay naman ang Anti-Bullying Act of 2003, Child Abuse Law (RA 7610) at Crime Prevention Tips sa Balik-Eskwela 2023.
Bukod dito, namahagi din ng mga IEC materials (PNP Journal and PSB) sa mga dumalo.
Layunin nitong mabigyan ng kaalaman ang mga magulang tungo sa kaligtasan at kaayusan ng mga anak sa loob at labas ng paaralan at mapalakas ang ugnayan ng pulisya at komunidad.
Panulat ni Police Staff Sergeant Donabel T Dulin
