Laguna – Lumahok ang Regional Police Community Affairs and Development Unit (RPCADU) 4A sa isinagawang mandatory drug test na ginanap sa Covered Court, Camp BGen Vicente Lim, Calamba City, Laguna nito lamang Nobyembre 17, 2023.
Ang aktibidad ay pinangunahan ng Regional Community Affairs and Development Division (RCADD) 4A, katuwang ang mga regional offices tulad ng RPCADU 4A na pinamunuan ni Police Colonel Meldrid Patam, Chief, RPCADU 4A.
Nagkaroon muna ng kaunting programa na pinangunahan ni Police Brigadier General Paul Kenneth Lucas, Acting Regional Director ng PRO CALABARZON at pinaalahanan ang mga dumalo na makiisa sa kanyang adhikaing maging Drug Free Workplace ang buong rehiyon.
Layunin nitong masiguro na drug-free, walang tauhan ng PRO 4A ang sangkot sa ilegal na droga, at masigurong malinis ang hanay ng bawat opisina habang ginagampanan ang mga tungkulin ng may integridad at disiplina.
Panulat ni Police Staff Sergeant Donabel T Dulin
