Patuloy at nakiisa ang Regional Police Community Affairs and Development Unit 3 sa pagsagawa ng Ligtas UNDAS 2024 sa Barangay Matatalaib Public Cemetery nito lamang Biyernes, ika-1 ng Nobyembre 2024.
Ang aktibidad ay pinangunahan ni Police Lieutenant Colonel Alex M Apolonio, Officer-In-Charge, RPCADU 3, katuwang ang mga tauhan ng Tarlac City Police Station, mga miyembro ng Barangay Peacekeeping Action Team, Force Multiplier, Barangay Officials at Barangay Tanod ng nasabing lugar.
Kaugnay dito, nagpakalat at naglagay din ng Police Assistance Desk (PAD) ang iba’t ibang istasyon ng PNP sa mga pampubliko at pribadong sementeryo kasama na ang daungan, terminal at paliparan upang siguruhin ang kaligtasan at seguridad ng mamamayan.
Bukod dito ay namigay din ng Information Education and Communication Materials patungkol sa E-Sumbong at Safety Tips nito lamang Undas 2024.
Ang Pambansang Pulisya ay patuloy sa pagpapaigting ng seguridad para sa isang ligtas, tahimik at maayos na Undas 2024.
Panulat ni Patrolwoman Digna Jane Tenorio Malubay
