Nakiisa ang mga tauhan ng Regional Police Community Affairs and Development Unit 3 sa isinagawang Medical Mission ng KKPK International Inc. sa Barangay Sampaloc, Apalit, Pampanga nito lamang Sabado, ika-10 ng Agosto 2024.
Ang Libreng Medical mission ay inisyatibo ng Kapampangan Ku Pagmaragul Ku (KKPK) International Inc. sa ilalim ng pamumuno ni Mr. Freddie Serrano, KKPK President, katuwang ang Asian Caregiving Technology and Education Center (AZTEC) Inc. sa pamumuno ni Mr. Jayson Pangilinan at Fiesta Committee sa pangunguna ni Mrs. Jocelyn P. Nicdao, FC Chairwoman, kaisa ang mga tauhan ng RPCADU 3 sa ilalim ng pamumuno ni Police Lieutenant Colonel Alex Meimban Apolonio, Officer-In-Charge.
Naghatid ng libreng salamin sa mata, na lubos na ikinagalak ng mga Senior Citizens. Bukod dito, nag-alok din ng libreng serbisyo para sa mga mata, tainga, ilong, at lalamunan (EENT) na naglalayong matulungan ang bawat residente na nangangailangan ng check-up.
Sa pamamagitan ng programang ito, tiniyak na mabigyan ng tamang atensyong medikal ang mga komunidad, lalo na ang mga may limitadong kakayahan sa pagpapatingin sa doktor.
Aktibo ring nakilahok ang PNP sa pagbibigay ng assistance na nagpatibay sa pagkakaisa at pagtutulungan sa pagitan ng mga mamamayan at ng mga awtoridad.
