Isabela – Nagsagawa ng community-based activities ang mga miyembro ng Regional Community Affairs and Development Unit 2 (RPCADU 2) sa ilalim ng pamumuno ni Police Lieutenant Colonel Efren Fernandez II, Officer-In-Charge na ginanap sa Brgy Ipil, Echague, Isabela noong ika-18 ng Oktubre 2023.
Isinagawa ang aktibidad kasama ang mga Brgy. Officials, Sangguniang Barangay, BHW, 4Ps at BPSO sa pangunguna ni Hon. Evelyn S Salarzon ng naturang barangay kung saan nakapagtanim ng mahigit 60 na mahogany at vegetable seedlings.
Nagkaroon din ng simpleng usapin sa mga magulang hinggil sa Republic Act 9262 kung saan ipinaliwanag ang mga karapatan at kung paano maiwasan ang pang-aabuso.
Nagpasalamat naman ang mga nakilahok sa aktibidad dahil muling nadagdagan ang kaalaman ng mga ito at pati na rin ang mga pananim na mapapakinabangan ng barangay.
Layunin ng aktibidad na paigtingin ang ugnayan ng kapulisan sa komunidad. Kaya naman patuloy ang ganitong aktibidad upang mapanatili ang pagkakaisa ng buong bayan para sa pagsulong ng kaayusan sa lipunan.
Source: RPCADU 2
Panulat ni PSSg Jerlyn V Animos
