Nagsagawa ng information drive at awareness campaign tungkol sa social media ang mga tauhan ng Regional Police Community Affairs and Development Unit 12 sa mga mag-aaral ng Korbel Foundation College Inc sa Barangay Morales, Koronadal City, South Cotabato nito lamang ika-11 ng Marso 2025.
Pinangunahan ni Police Corporal Fernan Archie Palabrica at Patrolwoman Emelou Pedroso, ang nasabing lecture sa ilalim ng pamumuno ni Police Lieutenant Colonel Demetrius E Taypin, Officer-In-Charge ng RPCADU 12.
Binigyang diin sa talakayan ang tama at wastong paggamit ng social media upang hindi mapahamak at masangkot sa anumang krimen at pinaalalahanan ang mga estudyante na maging responsable sa paggamit.
Patuloy ang RPCADU 12 sa pagbahagi ng kaalaman sa publiko upang maiwasang magkaroon ng kaso at maging isang mapagmatyag at mabuting mamamayan.
Panulat ni Patrolwoman Vina C Morales
