Nagsagawa ng lectures ang Regional Police Community Affairs and Development Unit 12 para sa mga mag-aaral ng Ramon Magsaysay Memorial Colleges General Santos City tungkol sa Anti-Bullying, at mga Tip sa Social Media at Anti-Illegal Drugs na inilaan para sa mga kabataan at sa iba’t ibang kurso ng nasabing paaralan sa Pioneer Ave, General Santos City, nito lamang Setyembre 20, 2024.
Ang nasabing lektura ay pinangunahan ni Police Lieutenant Romel T Sumalinog, kasama ang mga tauhan ng Regional Police Community Affairs and Development Unit 12 sa ilalim ng pamumuno ni Police Colonel Amante Q Suriaga, Chief, RPCADU 12.
Layunin ng aktibidad na ito na isulong ang kamalayan at pagkakaisa sa ating pagsisikap na pigilan at alisin ang mga aktibidad na kriminal.
Alinsunod sa layunin ni Pangulong Ferdinand R. Marcos Jr., na hindi titigil ang himpilan sa pagkakaroon ng mga programang magpapayabong sa kaalaman at kakayahan ng bawat bata at kabataan upang maging responsableng mamamayan at tunay makabayan.
