Albay – Muling nakiisa ang mga personahe ng Regional Mobile Force Battalion 5 sa isinagawang Country-side Development Caravan na handog ng Team Albay Youth Organizations o TAYO sa Barangay Bonbon, Libon, Albay nito lamang Mayo 26, 2023.
Sa pangunguna ni Police Lieutenant Gerlyn Mae Meliton, CAD PCO, naghandog ng libreng gupit ang mga personahe ng RMFB5 katuwang ang Albay 1st Provincial Mobile Force Company.
Tampok din sa aktibidad ang iba’t ibang serbisyo gaya ng medical check-ups, optical check-up, massage, nailcare, facial mask, Organic Fertilizer at Concoction, Lice Alis, iba pang social services at libreng mga gamot na handog naman ng Zone Medical and Intervention Hospital, Inc.
Bukod dito, namahagi din ng mahigit 50 na pares ng tsinelas, mga punla ng iba’t ibang punong kahoy, libreng lugaw at educational supplies para sa mga estudyante ng Day Care Center ng nasabing barangay.
Ang ganitong aktibidad ay isinasagawa ng TAYO sa iba’t ibang lugar sa probinsya ng Albay para maghatid ng mga libreng serbisyo publiko katuwang ang mga lokal na ahensya ng gobyerno at iba pang organisasyon at sektor ng lipunan.
Ang PNP ay patuloy na makikiisa sa mga aktibidad na makapaghatid ng mga libreng serbisyo sa pamayanan para sa maayos at progresibong komunidad.
Source: Regional Mobile Force Battalion 5
