Taguig City — Muling nagsagawa ng livelihood seminar ang mga tauhan ng Regional Mobile Force Battalion ng NCRPO sa Maharlika Integrated Elementary School, Pendatun St., Brgy. Maharlika Village, Taguig City nito lamang Sabado, Agosto 5, 2023.
Ang naturang aktibidad ay pinangunahan ng mga tauhan ng Battalion Community Advisory Council sa ilalim ng pangangasiwa ni Police Major Edgardo Tigbao, Chief, BCAS at Police Colonel Mario Malana, bagong talagang Force Commander ng RMFB.
Itinuro sa mga lumahok sa seminar ang Rug-weaving at Dishwashing Liquid Making na maaaring makatulong sa kanila upang makapag-umpisa ng negosyo.
Katuwang din sa programa ang NCRTC PSJLC Batch 2023-01 “Maglingap” para sa kanilang Enhanced Community Immersion Program na may temang “Serbisyong Caravan for the Muslim Community”.
Layunin nitong bigyan ng kaalaman ang bawat residente upang magkapag-umpisa sa pagnenegosyo na magagamit nila para magkaroon ng iba pang pagkakakitaan.
Source: RMFB NCRPO
Panulat ni PSSg Remelin M Gargantos
