Tanauan City, Batangas – Nakiisa ang Regional Mobile Force Battalion 4A at Regional Police Community Affairs and Development Unit 4A sa isinagawang Denouncement of CPP-NPA-NDF program na ginanap sa Covered Court ng Brgy. Ambulong, Tanauan City, Batangas nito lamang Linggo, Setyembre 4, 2022.
Ang programa ay pinangasiwaan ni Police Colonel Ledon Monte, Force Commander, Regional Mobile Force Battalion 4A katuwang ang Regional Police Community Affairs and Development Unit 4A sa pangunguna ni Police Lieutenant Colonel Owen Banaag, Batangas Police Provincial Office, Tanauan City Police Station, 1st Batangas Provincial Mobile Force Company, Provincial Community Affairs and Development Unit, Regional Police Community Affairs and Development Unit 4A at Barangay Captain, Hon. Liza Panganiban.
Ayon kay PCol Monte, 57 miyembro ng Gabriela Party list, 29 miyembro ng Anakbayan Party list at 21 miyembro ng Anakpawis Party list na miyembro rin ng Samahan ng Maliliit na Mangingisda ng Tinuligsa ng Taal (SAMMATAAL) ang ngbalik-loob sa gobyerno.
Nagsagawa ng sinumpaang affidavit at pagsunog ng watawat ng CPP-NPA bilang pagtalikod sa pamumuhay sa makakaliwang grupo.
Bukod dito, nakatanggap din ang mga dating rebelde ng food packs na naglalaman ng bigas, de lata at noodles.
Hinihikayat ng PNP ang mga iba pang mga miyembro ng grupong rebelde na makiisa sa mga programa ng gobyerno at tuluyan ng tuligsain ang CPP-NPA-NDF upang maging ligtas, maayos, at mapayapa ang komunidad kapiling ang kanilang pamilya.
