Nagsagawa ang Regional Medical and Dental Unit MIMAROPA ng Outreach Program sa Young Eco-Warriors Child Development Center, Camp BGen Efigenio C Navarro, Calapan City, Oriental Mindoro noong ika-23 ng Enero 2024.
Ang programa ay pinangunahan ng mga miyembro ng Regional Medical and Dental Unit (RMDU) MIMAROPA sa pangunguna ni Police Lieutenant Michelle Pascual, Assistant Chief, Operation Section sa ilalim ng pamumuno ni Police Colonel Nierme Capulso Jr. Chief, RMDU MIMAROPA.
Sa naturang programa ay nagsagawa ang grupo ng Body Mass Index (BMI) monitoring, Dental Profiling, Feeding Program, Lecture on Proper Tooth Brushing, at pamimigay ng flyers patungkol sa maagang pagbubuntis.
Layunin nito na bawat estudyante ay mabigyang oportunidad na matutong pahalagahan at mapangalagaan ang kanilang sariling pangangatawan para sa mas produktibong pag-aaral sa araw-araw.
Panulat ni Patrolwoman Ana Rose D Guadaña
