Pinangunahan ni PCol Felipe Maraggun, Provincial Director ng Rizal PPO ang masigasig na pagtugon at pagbibigay ng agarang tulong sa mga residente at pamilyang apektado sa gitna ng pananalasa ng bagyong Carina sa bansa nitong Hulyo 24, 2024.
Hindi nag-atubiling lumusong sa rumaragasang baha ang mga tauhan nh Rizal PNP upang tulungang ilikas ang mga pamilya na ang mga kabahayan ay nalubog sa baha sa pamamagitan ng isinagawang Search and Rescue operations.
Maliban sa Search and Rescue operations ay nagsasagawa din ang pulisya ng monitoring ng mga Evacuations Centers at pagtulong sa transportasyon ng mga relief items upang ipamahagi sa libo-libong residente na nasalanta ng bagyo.
Lubos naman ang pasasalamat ng lokal na pamahalaan ng Rizal sa PNP, mga rescue volunteers at iba pang ahensya ng gobyerno sa agarang pagtugon sa krisis na kinakaharap ng lokal na pamahalaan ng Rizal.
Ang kahandaan ng Rizal PNP sa panahon ng krisis ay nagpapakita ng mataas na antas ng serbisyo at dedikasyon, sa bawat hakbang ang masigagsig na pagsisikap at maasahang pagkilos ay nagbibigay ng tunay na pag-asa sa ating komunidad.
