T’boli, South Cotabato – Narekober ng mga tauhan ng T’boli PNP ang isang rifle grenade sa Brgy. Kematu, T’boli, South Cotabato nito lamang Abril 19, 2022.
Ayon kay PCpt Edgar Enrico Macaraeg, nakatanggap ng tawag ang T’boli MPS hotline mula sa isang BPATS member ng Barangay Kematu na meron itong natagpuan na isang rifle grenade habang ito ay naghuhukay ng kawayan malapit sa sapa bandang 1:30 ng madaling araw.
Kinilala ni PCpt Macaraeg ang concerned citizen na si Jigo Dasan Tnem, 54, may asawa, magsasaka at isang BPAT member na residente ng Sitio Butlehek, Barangay Kematu, T’boli, South Cotabato.
Ayon sa salaysay ni Jigo, aksidente niyang nakita ang nasabing armas habang ito ay naghuhukay sa kawayan malapit sa sapa na agad niyang inireport sa T’boli MPS.
Agad na nagsagawa ng intelligence monitoring ang T’boli PNP na pinangunahan ni PMSg Albert Gille Jr. Intelligence PNCO upang palakasin ang security measure at operational awareness sa bulubunduking bahagi ng Barangay Kematu.
Ito ay upang maiwasan o mapigilan ang posibleng pagpasok ng masasamang elemento sa nasabing lugar at upang kumpirmahin ang nasabing impormasyon.
Narekober ng grupo mula sa nasabing lugar ang isang unit ng rifle grenade na may print no. CPS PD RG3F 16 JO1.
Agad namang dadalhin ang nasabing armas sa South Cotabato Police Provincial Office EOD para sa tamang disposisyon.
###
Panulat ni Patrolman Gio Batungbacal
