Boluntaryong isinuko ng isang 42 anyos na lalaki ang isang Rifle Grenade sa mga tauhan ng Cabanglasan Municipal Police Station, Bukidnon nito lamang Marso 31, 2024.
Bandang 10:55 ng umaga ng boluntaryong isinuko ng isang 42 anyos na lalaki na magsasaka na residente ng Barangay Canangan-an, Cabanglasan, Bukidnon ang isang Rifle Grenade na may Bul Trap na may serial number na M7EC-AVA-0067-89 kay PMSG Ricky B Bahian, Operation PNCO ng Cabanglasan Municipal Police Station sa ilalim ng pamumuno ni Police Major Dino M Cuevas, Hepe ng Istasyon.
Ang naturang Rifle Grenade ay kasalukuyang nasa kustodiya na ng Cabanglasan PNP para sa tamang disposisyon.
Ang boluntaryong pagsuko ng mga ganitong uri ng armas ay makatutulong na mas palakasin pa ang kampanya laban sa mga loose firearms na pwedeng gamitin sa iba”t ibang uri ng krimen kaya naman nanawagan ang mga awtoridad sa publiko na isuko na lamang ang mga walang papel na armas sa pinakamalapit na istasyon.
Panulat ni Pat Fajardo
