Boluntaryong isinuko ang rifle grenade na walang serial number at markings ng isang magsasaka sa mga tauhan ng 2nd Zamboanga del Norte Provincial Mobile Force Company sa Barangay Nasibak, Leon B. Postigo, Zamboanga del Norte noong Pebrero 18, 2025.
Ayon sa ulat ng pulisya, dakong 1:25 ng hapon, nagsasagawa ng Minor ISO ang mga tauhan ng 2nd Zamboanga del Norte Provincial Mobile Force Company sa ilalim ng pangangasiwa ni Police Major Bill Fernando P Jumalon, Officer-In-Charge kasama ang Leon B. Postigo Municipal Police Station.
Sa gitna ng kanilang operasyon, nakipag-ugnayan sa kanila si alyas “Joselito”, 30 anyos, lalaki, magsasaka, at kusang-loob na isinuko ang isang rifle grenade.
Pinuri naman ng PNP ang kooperasyon ng mamamayan sa pagpapanatili ng seguridad sa kanilang pamayanan tungo sa pagkamit ng kapayapaan at kaunlaran.
