Malaybalay City, Bukidnon – Nagsagawa ng Ride for a Cause ang kapulisan ng Bukidnon Police Provincial Office kaugnay sa Police Regional Office 10 Program “Pagduyog sa Kasakit” at Women’s Month Celebration nito lamang Linggo, Marso 27, 2022.
Pinangunahan ni Police Colonel Jun Mark Lagare, Provincial Director ng Bukidnon Police Provincial Office, ang nasabing programa na nilahukan ng mga kapulisan, kasundaluhan, bikers, at kababaihan mula sa probinsya ng Bukidnon.
Bandang 5:00 ng umaga nang sinimulan ang aktibidad at 61 bikers ang lumahok at kumasa sa hamon ng Ride for a Cause.
Ang nalikom na pondo ay mapupunta sa gastusin sa pagpapaospital sa anim na active na miyembro ng Pambansang Pulisya na nakatalaga sa Bukidnon Police Provincial Office. Sila ay kabilang sa nakaranas ng aksidente at karamdaman habang ginagampanan ang sinumpaang tungkulin.
Ang kapulisan ng Bukidnon ay binibigyang halaga ang kapakanan ng kanilang nasasakupan. Sa simpleng bayanihan ay nakatulong pinansyal sa mga kasamahang may karamdaman habang pinapanatili ang ating malusog na pangangatawan.
Source: Bukidnon Police Provincial Office
###
Panulat ni Police Staff Sergeant Grace Neville L Ortiz
