Davao City – Sama-samang ginawan ng bahay ng mga tauhan ng R-PSB Cluster 5 ang isang lolo na nakatira sa bukid na bahagi ng Barangay Carmen, Baguio District, Davao City, noong Hulyo 26, 2022.
Ayon kay PLt. Rizalito Clapiz III, ang leader ng RPSB Cluster 5, pinakiusapan sila ng mga residente ng Barangay Carmen na tulungan si Lolo Pablo dahil matanda na ito at nag-iisang nakatira sa sira-sirang kubo sa bukid.
Dagdag pa ni PLt Clapiz III, agad naman nila itong inakyat sa kinalalagyan ng lolo at kinumbinsing lumipat sa sentrong parte ng barangay para may makaalalay sa kanyang mga kapitbahay.
Hinanapan ng mga pulis ng paraan ang pagpapatayo ng bahay para kay Lolo Pablo hanggang nabuo ito at hindi naman masukat ang tuwa ng lolo matapos itong i-turnover sa kanya.
Samantala, ang Revitalized-Pulis sa Barangay (R-PSB) Cluster 5 ng Davao City Police Office ang nagsilbing mga karpintero sa bahay para kay Lolo Pablo Panugaling na itinayo sa lupain na idinonate ng Purok Leader na si G. Mario Paras.
Ayon pa kay PLt Clapiz III, na ang programa ay parte ng E.O. 70 National Task Force to End Local Communist Armed Conflict na sinimulan pa nila noong panahon ni dating Pangulong Rodrigo Duterte at hindi ito ang kauna-unahang bahay na naipatayo nila.
Panulat ni Patrolman Alfred Vergara
