Nueva Vizcaya – Nagsagawa ng Cascading ng Revitalized PNP KASIMBAYANAN ang Bambang Police Station sa Barangay Caloocan, Bambang, Nueva Vizcaya nito lamang ika-15 ng Pebrero 2023.
Pinangunahan ni Police Corporal Mark Lester Dingle, CMCAD PNCO ng Bambang Station, ang aktibidad na dinaluhan ng mga Person Who Uses Drugs (PWUDs).
Tinalakay rin ni Corporal Dingle ang Crime Prevention at masamang dulot ng ipinagbabawal na gamot kalakip ng BIDA program o Buhay Ingatan Droga’y Ayawan.
Dagdag nito, nagbahagi rin ng moral at spiritual values si Pastor Rey Cainap upang maliwanagan ang isipan ng mga PWUDs.
Samantala, malaking pasasalamat ng mga kalahok sapagkat katuwang na rin nila ang Kapulisan at Simbahan sa kanilang pagbabago.
Determinado ang hanay ng Pambansang Pulisya sa pagsulong sa programang Revitalized PNP KASIMBAYANAN na naglalayong palakasin ang ugnayang Pulisya, Simbahan at Pamayanan upang makamit ang katahimikan at kaunlaran ng komunidad.
Source: Bambang Police Station
Panulat ni Patrolman Rustom T Pinkihan
